Nagkauyon ang mga leader sa Thailand ug Cambodia sa usa ka hinanaling ceasefire human sa lima ka adlaw sa labing dugoon nga away tali sa duha nga mga nasud sa kapin sa usa ka dekada.
Nakab-ot ang kasabutan human sa usa ka miting sa Malaysia nga gipangulohan ni Prime Minister Anwar Ibrahim, ang kasamtangan nga ASEAN Chair, diin ang duha ka habig misaad nga hunongon ang away ug ibalik ang direktang komunikasyon.
Ang panagbangi nagsugod sa miaging semana tungod sa dugay na nga panaglalis sa utlanan tali sa duha, nga miresulta sa bug-at nga mga artillery strikes ug Thai air strike sa ilang 817-km nga utlanan.
Ingon man nga una ng nitanyag ang China ug Estados Unidos sa pagtabang sa negosasyon, uban sa Presidente sa US nga si Donald Trump nga gitawag ang duha ka mga lider sa katapusan sa semana aron sa pag-awhag sa kalinaw, nagpasidaan nga walay trade deal nga mapirmahan hangtud nga ang away matapos.
Gikalipay usab ni Cambodian Prime Minister Hun Manet ang resulta sa mga pakigpulong ug misaad nga ibalik ang normal nga relasyon sa bilateral sa Thailand.
Samtang si Acting Thai Prime Minister Phumtham Wechayachai adunay unang mga pagduhaduha mahitungod sa pagkasinsero sa Cambodia, apan ang Thailand andam sa pag-obserbar sa ceasefire “in good faith.”
