Mopahigayon ang mga supporters ni Governor-elect Pamela Baricuatro og usa ka “thanksgiving rally” diin ilhon kini nila nga “Salamat Sugbo.”
Kini agi’g pagsaulog ug pasalamat sa mga Sugbuanon nga nagpaluyo sa kadaoagan ni Baricuatro, karong umaabot nga Hunyo 29, 2025, dominggo, sa wala pa ang pormal nga inagurasyon ni Baricuatro sa Hunyo 30, 2025.
Ang nahisgutang rally gikatakdang sugdan sa alas 6:00 sa gabii, ug hangtud na kini sa tungang gabii, diin adunay mga pagpasundayag sama sa concert, ug free t-shirt printing.
Ug gibana-banang dili momenos sa 10,000 ngadto sa 12,000 ka mga supporters, lakip na ang mga senatorial winners sa PDP-Laban, ang gipaabot nga mosalmot sa rally.
Ingon man nga wala pa gipahibalo ang venue, tungod kay giproseso pa ang mga permit niini.
Subay sa nahisgutang plano, gipangulohan kini ni Ian Gacrama, ang pangu sa Duterte Diehard Supporters (DDS), inubanan ni Jun Abines ug Jocelyn Nacua, diin ang rally isipon usab nga pagpakitag suporta kang Presidente Sara Duterte taliwala sa reklamo sa impeachment.
Samtang, motambong usab si kanhi Comelec ug COA Commissioner Rowena Guanzon sa maong panagtigom.
Atol sa iyang pakighinabi sa mga tigbalita kay gibutyag usab niini nga kon gani kuhaon siya isip tigpamaba ni VP Sara kay dili kini niya balibaran, apan alang kaniya kay dili na kinahanglan og tigpamaba sa ikaduhang president gumikan kay na niini ang iyang kaugalingon ug maayo kini niyang nadala. | Bombo Irene Ardiente
