The Barracks sa Carbon, gipasirado

Gipasirado sugod karong adlawa, Martes Hulyo 1, 2025 ang tanyag nga The Barracks sa Carbon tungod sa pagsugod na sa pagtukod sa konstruksyon sa Carbon Main Public Market.

Kini ang gipahibalo sa maong establisyemento pinaagi sa social media post niini diin kagahapong adlawa nalang sila kutob, Lunes Hunyo 30.

Atol sa maong social media post, gipasalamatan niini ang padayong suporta sa publiko sa maong food hub nga nahimo nang kasuruyanan sa mga Sugbuanon ug mga turista.

Apan gipasalig niini nga ang mga food stalls nga nakapwesto sa The Barracks kay gibalhin ra sa Pusô Village pabor sa Cebu City Hall Executive Building doul sa Senior Citizens’ Park.(Bombo Ken Apor)