Wala na nakaya og alsa sa 3-time NBA MVP nga si Nikola Jokic ang Denver Nuggets bisan pa sa iyang triple-double performance sa labing unang duwa karong season.
Gipilde sa Oklahoma City Thunder ang Nuggets, sa iskor nga 102-87 dihang nag-atbang ang duha.
Diin bigtime double-double performance ang gihimo sa bag-o nga sentro nga si Chet Holmgren sa 25 puntos, 14 ka rebounds; samtang si Shai Gilgeous-Alexander mitampo og 28 puntos.
Ang 16-12-13 nga performance ni Jokic dili igo aron matumba ang tandem nila ni Holmgren ug Shai.
Sa laing bahin, ang triple-double king Russell Westbrook nalimitahan lang sa 6 puntos sa iyang debut sa Denver.
Sama sa miaging duwa sa Thunder sa miaging tuig, nipakita na usab kini og paspas nga duwa batok sa 2023 NBA champions.
Ang Thunder nakahimo og 43 ka mga tira gikan sa 101 ka mga pagsuway ug 35 lang ka mga tira ang natubag sa Nuggets.
Mao kini ang unang duwa ug kapildihan sa 2023 NBA champion samtang mao usab ang unang duwa ug unang daog sa Thunder.
