CEBU CITY-Miabot sa gibana-banang gatosan ka mga motoristang sakay sa ilang mga motorsiklo ug sakyanan ang misalmot sa nahitabong Motorcade Caravan aron sa ilang sugyot sa pagsuporta sa kanhi Presidente Rodrigo Duterte sa mga dagkong kadalanan sa Sugbo adlawa sa Dominggo, Marso 23, 2025.
Kun diin pagtakna alas 6:00 sa buntag nagtapok ang mga tigpaluyo sa mga Duterte sa Pasilong sa Paradise sa Barangay Guizo, dakbayan sa Mandaue nga kanhi venue sa Indignation Rally niini niadtong Pebrero 22.
30 minutos ang milabay niini og mibyahe na ang maong grupo nga nagsubay sa kadalanang padulong habagatang Sugbo.
Ang routa niini kay gikan sa dakbayan sa Mandaue hangtod sa lungsod sa Argao diin aduna kiniy gilay-on sa 73 kilometros.
Gani natapos ang motorkada sa grupo sa dihang mibyahe kini pa-amihanan sa dakbayan sa Naga sa Boardwalk Plaza niini og didto padayon ilang singgit nga “Duterte!” ug “I stand with FPRRD”.
Ang maong grupo kay daling mailhan tungod sa mga banners, posters, tarpaulins, ug uban timailhan niini sa iyang sugyot sa pagpa-uli sa kanhi Presidente Digong sa Pilipinas nga anaa karon sa United Nations Detention Unit sa Hague Penitentiary Institution sa the Netherlands.
Kahinumduman nga nadakpan niadtong Marso 11 si Presidente Digong sa NAIA Terminal 3 sa dohang nakig-alayon ang gobyerno sa Pilipinas sa arrest warrant gikan sa ICC sa kasong giatubang niini nga Crimes against Humanities.
