Gikatakda nga mamahimong ika-11 nga member state ang Timor-Leste ug hingpit nga miyembro sa Association of Southeast Asian Nations (ASEAN) sa sunod nga regional meeting sa Kuala Lumpur, Malaysia karong tuiga.
Ang Malaysian Prime Minister nga si Anwar Ibrahim, kinsa maoy chairman sa ASEAN karong tuiga 2025 nga ipahigayon sa Oktubre, mipahibalo niini sa usa ka press conference.
Hinuon, giklaro ni Anwar nga ang nasud ubos gihapon sa pagtuman sa usa o duha pa ka kondisyon ubos sa economic pillar.
Dugang sa opisyal nga nakab-ot na sa ASEAN ang tinuod nga konsensus sa Timor-Leste human sa daghang mga hugna sa negosasyon.
Angay nga matikdan nga ang United Nations unang miila sa Timor-Leste niadtong 2002 ug ang nasud pormal nga mi-apply alang sa ASEAN membership niadtong 2011.
Sa pagkakaron, ang ASEAN adunay 10 ka miyembrong estado nga naglakip sa Singapore, Malaysia, Indonesia, Brunei, Thailand, Vietnam, Cambodia, Laos, Myanmar ug Pilipinas.
