Gisuwayan pagsunog sa duha ka lalaki nga nagmotorsiklo ang usa ka establisemento sa Salinas Drive sa Barangay Lahug, dakbayan sa Sugbo sayo sa buntag, Hunyo 5, 2024.
Makita sa mga hulagway ang residue sa fire extinguisher nga gigamit sa pagpalong sa kalayo nga gisugdan pinaagi sa pagbubo og usa ka lata sa gasolina atubangan sa establisemento pasado alas 2:41 sa kaadlawon karong Hunyo 5.
Usa ka saksi niingon nga duha ka mga lalaki ang niabot atubangan sa gate sa maong establisemento, nihunong didto, nibubo og gasolina nga gibutang sulod sa bottled water atubangan sa gate, gipasiga kini dayon nilayas palayo sa lugar.
Maayo na lang kay ang mga tawo sa restaurant kilid sa establisemento nakahimo sa pagpawong sa kalayo pinaagi sa paggamit og fire extinguisher.
Matod sa saksi nga dili na mailhan ang mga sad-an tungod kay nag-helmet.
