-- ADVERTISEMENT --
CEBU – Kanunayon ang pagsusi sa tinubdan sa tubig nga imnon arun nga malikayan ang sakit nga typhoid fever.
Kini ang pahimangno ni DOH 7 chief pathologist, Dr. Mary Jean Loreche, subay sa nasinati sa lungsod sa Barili, kung diin daghan ang nadala sa tambalanan ug tulo ang patay gumikan sa maong sakit.
Matud pa, ‘preventable’ o malikayan gayud ang maong sakit kung adunay tukma nga ‘sanitation’, ingon man ang kanunay nga paghugas sa kamot ilabi na kung gikan sa pansayan.
Nagkanayon si Loreche nga importante ang papel sa usa ka Local Government Unit (LGU) ilabi na sa pagsusi sa mga gi-inom nga tubig sa mga residente.
Samtang ang mga tig-balay usab gikinahanglan ang pagpabukal sa tubig ug siguradohon nga limpyo ug luwas na kining imnon.
-- ADVERTISEMENT --
