Gihold-up og gidunggab sa kamot ang usa ka tinun-an sa usa ka inilang tunghaan sa Dakbayan sa Sugbo, samtang nagsakay kini sa jeep niadtong Sabado, Abril 25, 2026 human nga wala kini gihatag ang iyang cellphone sa suspitsado.
Sumala sa inisyal nga mga taho, ang insidente nahitabo sa C. Padilla Street nga naglambigit sa usa ka 09F nga jeepney. Gikataho nga misakay ang suspek sa sakyanan ug mi-demand og mga mahalon nga butang gikan sa mga pasahero.
Sa dihang ang usa ka babayeng estudyante gikan sa University of San Jose-Recoletos (USJR) midumili sa paghatag sa iyang cellphone, gidunggab kini sa kamot.
Daling ang mga residente sa mga sakop sa kapulisan hinungdan nga dali usab kining nasikop sa susamang adlaw sa Sitio Kahuyan, Barangay Mambaling
Nasakmit gikan sa suspek ang usa ka 45 caliber nga armas nga walay serial number ug adunay bala, ug wala siyay maipakita nga legal nga dokumento.
Padayon ang imbestigasyon sa kapulisan aron masuta kung nalakip ba ang suspek sa ubang kaso sa pagpanulis sa siyudad.
Nagpasidaan usab ang CCPO nga magpadayon ang ilang kampanya batok sa mga kriminal ug illegal firearms aron mapalambo ang kaluwasan sa publiko sa Dakbayan sa Sugbo.
