‘Titanic’ actor Bernard Hill mitaliwan na sa edad nga 79

Mitaliwan na ang aktor sa Britanya nga si Bernard Hill sa edad 79.

Gikompirmar kini sa iyang mga kabanay apan wala na mohatag og laing detalye sa iyang kamatayon.

Nailhan ang aktor isip supporting role sa pelikulang “Titanic” ug “The Lord of the Rings” Trilogy.

Sa 1982 siya nagbida sa salida nga “Boys from the Blackstuff” usa ka drama bahin sa usa ka tawo nga walay trabaho.

Niabot ang 1997 sa dihang gikuha siya sa direktor nga si James Cameron sa salida nga “Titanic” diin siya ang nagdala sa character nga si Captain Edward Smith ang kapitan sa barko.

Pipila sa mga pelikula nga iyang gipasundayag mao ang mga pelikulang “Gandhi”, “Shirley Valentine” ug “The Scorpion King”.