CEBU CITY – Nalangkat sa Bombo Radyo Cebu ang korona sa Miss KBP 2018, Cebu Chapter atol sa opening niini karong adlawa subay sa kasaulugan sa broadcasters month kung diin maabtikon usab nga misalmot ang Bombo Radyo Cebu.
Atol sa Q and A kun Question and Anwer portion sa paiindigay, gipamatud-an sa representante sa Bombo Radyo nga si Michelle Dialogo nga beauty ang brains siya sa iyang pagtubag sa pangutana kalabot sa pagpresentar sa pagkakabae sa natad sa pagpanibya.
Nagkanayon si Mich nga sa panahon karon daghan na nga mga kababay-an ang nangulo.Busa sa natad sa pagpanibya angayan nga magpadayon ug magpasulabi ang pagkamatinud-anon.
Samtang nalangkat usab ni John Vincent Suyat sa Yes the Best FM ang pagka Mr. KBP. Matud ni Suyat nga iya lang gigamit ang iyang experience sa pagkabroadkaster sa pagtubag sa mga pangutana.Usa kini matud niya ka honor, ug mapasalamaton siya nga nahimo siyang member sa KBP.
Ang tema sa broadcaster month karong tuiga mao ang “Kaligdong ug Kadasig… Hagit sa Pagpanibya sa Kasamtangang Panahon”
Nunot niini mipaabot usab og mensahe si Fr. Bob. Ebisa ang chairman sa KBP cebu Chapter. Sigon niini nga angayang magpadayon sa ilang kadasig bisan paman sa mga hulga nga nadawat sa mga brodkaster.Kinahanglan usab nga magmalig-on ug mubarog gyud sa gipili nga adbokasiya.
