Nakit-an nga nag-holding hands sila si Tom Cruise, 63-anyos, ug Ana de Armas, 37-anyos sa Vermont sa katapusan ning semana, nga daw nagpamatuod sa dugay na nga mga hungihong bahin sa ilang relasyon.
Sa mga litrato nga nag-circulate online, makita ang duha nga nag-uban nga namalit, ug naglakaw-lakaw sa lugar, human sa pagtambong sa pasundayag sa Oasis sa London kaniadtong Hulyo 25.
Si De Armas bag-o lang nag-trending sa X human niya na-like ang kontrobersyal nga Instagram post bahin sa kanhi asawa ni Cruise nga si Nicole Kidman.
Diin gipakita sa post ang magkasunod nga mga litrato ni Kidman gikan sa 1996 ug 2024, kauban ang usa ka meme ug kinutlo gikan sa usa ka interbyu diin gitubag ni Kidman ang espekulasyon bahin sa iyang hitsura — nga ingon tukma.
Ang mga tsismis nila ni Cruise ug de Armas nga nag-date unang nitumaw niadtong Pebrero sa dihang nakit-an sila nga nanihapon sa London, ug gisundan kini niadtong Abril sa dihang si Cruise nag-pilot sa usa ka helicopter nga gisakyan ni de Armas, human sa ilang mga outing sa mga park ug mga kaswal nga panihapon.
Apan, wala pay opisyal nga pamahayag ang duha kalabot sa ilang status.
