LAPU-LAPU CITY, CEBU- Nakuha sa mga sakop sa Police Station 2 sa Lapu-Lapu City Police Office LCPO ang mga gibiyaang corals nga posible untang e-transport sa may Brgy Punta Engaño dakbayan sa Lapu-Lapu pasado alas 12 sa tungang gabii sa Myerkules, Oktubre 4.
Matod sa kapulisan ang maong mga corals giingong motimbang og moabot sa usa ka tonelada.
Giingong usa ka concerned citizen ang nagpahibawo sa kapulisan kalabot sa gibilin nga mga corals sa usa ka dapit sa Brgy Punta Engaño.
Dako ang pagduda sa Police Station 2 sa LCPO nga posibleng ready for transport na ang naasoyng mga corals ug kinuha ra usab sa dapit.
Apan posibleng nakuyawan ang nanguha o mo transport sa mga corals gumikan kay adunay nakasumbong sa kapulisan kalabot niini hinungdan nga posibleng wala na kini balika sa nagkuha.
Dugang pa, nga posible usab nga anaa ra sa dapit ang nagkuha o ang gikatakda untang mo transport sa mga corals apan wala lang magsaba saba gumikan sa presensya sa kapulisan.
Ubos sa balaod ang pag transport ug pagpanguha ug corals hugot gayud nga gidili.
