Gisaway ni Metropolitan Manila Development Authority (MMDA) General Manager Nicolas Torre III si National Police Commission (NAPOLCOM) Commissioner Ralph Calinisan tungod sa giingong paghimo og “convenient sacrificial lamb” sa usa ka pulis nga nalambigit sa insidente sa pagduso sa mga motorista.
Sa iyang taas nga post sa social media niadtong Biyernes, Mayo 15, giinsistir ni Torre nga ang NAPOLCOM dili angay nga mahimong instrumento sa “trial by publicity” ug premature judgment batok sa mga pulis nga giimbestigahan pa.
Sumala ni Torre, “daghang mga pulis ang hilom lang nga naglingkod, nagtrabaho lang, nagsunod lang sa ilang mga katungdanan—ug daghan kanila ang naguba ang ilang mga ngalan, karera, ug pamilya tungod sa dali nga mga pamahayag nga daw nahimo na ang desisyon bisan wala pa nahuman ang proseso.
“Maraming pulis ang tahimik lang, nagtatrabaho lang, sumusunod lang sa tungkulin—at marami sa kanila ang nasisira ang pangalan, karera, at pamilya dahil sa mga padalos-dalos na pronouncement na parang may desisyon na kahit hindi pa tapos ang proseso.”
Dugan pa ni Torre, sa ngalan nga usa kini ka judge sa administrative case, dili usa ka piskal sa usa ka media circus. Busa gikwestiyon niini kung unsa klaseha sa judge kung gikan pa sa sinugdanan, wala niini madungog ang tanang habig, wala pa gani hingpit nga nasang-at ang kaso, wala pa’y pormal nga hearing, apan aduna nay press conference.
“Judge ka ng administrative case, hindi prosecutor ng media circus. Anong klase kang adjudicator kung sa umpisa pa lang—hindi mo pa naririnig ang buong panig, hindi pa nga lubusang naihahain ang kaso, wala pang formal hearing—naka-presscon ka na at malinaw nang sinasabi mong mali ang pulis at nakakahiya ang kanilang ginawa?”
Gipasiugda usab ni Torre nga importante ang pag-aplay sa hustong proseso ug nga ang paghukom dili angay nga moabot sa dili pa ang imbestigasyon.
“Hindi puwedeng presscon muna bago pagdinig. Hindi puwedeng public condemnation muna bago evaluation. Hindi puwedeng may desisyon ka na bago mo pa basahin ang buong kaso.”
Mahinumduman nga ang NAPOLCOM miingon nga posible nga dili lang ang pulis nga nalambigit sa insidente ang manubag apan lakip na usab ang imbestigador ug hepe sa Quezon City Police District-Criminal Investigation and Detection Group (QCPD-CIDG).
“Defending discipline does not mean tolerating abuse. But defending justice also means protecting our personnel from unfair persecution, ” matod sa kanhi hepe sa PNP.
