CEBU – Nagkauli-ay sa maayong kabubut-on ang habig sa vlogger nga “Yaya Sosyalera” ug ang tourism department sa lungsod sa Badian human sa mikatap nga video sa naasoy nga vlogger kalabot sa bati nga kasinati-an niini sa Kawasan Falls.
Kini human nga mismong si Cebu Provincial Goovernor Gwendolyn Garcia ang mihusay sa duha ka habig ug giingong ‘miscommunication’ lang ang nahitabo.
Nagpasalamat usab si Badian Tourism Officer Donald Villarin sa maong reklamo sa vlogger diin karun mas mahatagan pa sila ug higayon nga mabag-o ug mas mapalambo pa ang ilahang pag-cater sa mga turista.
Samtang, misaad usab ang maong vlogger nga maghimo kini ug laing content diin mahimong unod ang nakat-onan niini sa maong insidente ug ipasabot sa iyahang mga viewers and followers nga adunay nahitabo ngta miscommunication ug misinterpration sa mga lagda sa pagbisita sa Kawasan Falls sa lungsod sa Badian.
