Magtagbo karong adlawng Huwebes Enero 29, 2026 ang mga nagkadaiyang Tourism Ministers sa nagkalain-laing estado nga miyembro sa Association of Southeast Asian Nations aron hisgutan ang ASEAN Strategic Tourism Plan alang sa ASEAN Tourism Ministerial Meetings 2026.
Matud pa ni Tourism Secretary Maria Christina Garcia-Frasco, nga tumong sa ASEAN Strategic Tourism Plan mao ang paggiya sa mga member-states alang sa sustainable tourism sa mao nga rehiyon.
Naglangkob kini sa resilience tourism development, People centered human capital empowerment, Seamless accessibility ug connectivity sa rehiyon, promosyon sa ASEAN isip usa ka tourism hub, digitalization sa mga produkto sa turismo, ug uban pa.
Gipanglantawan usab nga makigtagbo usab ang mga ministro sa turismo gikan sa member-states sa ASEAN ngadto sa ubang ministro sa mga nasud nga Japan, South Korea, ug China, lakip na ang mga nasud nga India og Australia, alang sa pagpalambo sa relasyon sa mga nasud og pagpalugway sa mga rekisitos alang sa paspas ug sayon nga pagsulod sa mga turista sa rehiyon.
Nanghinaut si Frasco nga makatabang ang ASEAN Tourism Forum alang sa pagpalambo sa turismo sa atong nasud ug sa Southeast Asia pinaagi sa tabang ug panaghiusa sa mga member-states niini ug sa mga uban pang mga nasud nga andam moabag sa organisasyon alang sa Sustainable Tourism Development.
