CEBU CITY-Gidunggab sa usa ka tricycle driver ang usa ka traffic enforcer human kini nga gisita sa may Sitio Pulang Yuta, Brgy. Looc dakbayan sa Danao, Cebu.
Giila ang biktima nga si Roger Caputic , 38 anyos ug residente sa Sitio Awihaw Brgy. Tugunon sa naasoy nga dakbayan samtang ang suspek ang giilang si Marvin Berdina, 30 anyos ug residente sa may lungsod sa Compostela.
Matud ni Police Master Sergeant Arnold Labini sa Danao PS nga samtang nagduty ang biktima ug gisita ang driver nga si Berdina, apan nasuko ang naasoy nga driver dayong kuha og screw driver ug gi-dunggab sa liog ang traffic enforcer.
Dali hinoon nga nadala sa tambalanan ang biktima ug naa na karon sa luwas nga kahimtang.
Wala hinoon matino kung unsa ang kalapasan sa maong driver.
