CEBU CITY-Gipresentar atubangan sa Cebu City Hall ang sample sa transitional housing nga proyekto sa kagamhanan sa dakbayan kagahapon, Agosto 19, 2024.
Diin gipakita kini atubangan sa presensiya nila Cebu City Acting Mayor Raymond Alvin Garcia ug pipila ka mga opisyales sa dakbayan.
Ang maong modelo sa housing unit nagtumong sa usa ka temporaryong panimalay sa mga lungsuranon nga apektado sa mga kalamidad sama nalang og aksidente sa sunog.
Nagtumong pud kini sa posibling kapuy-an sa mga maigo sa pagpatuman sa 3-meter easement sa mga suba sa dakbayan.
Kapin 1,000 ka mga unit sa 3-square meter transitional housing ang pagkabuhaton nga naglangkob na ug duha ka bedrooms, mini-sink, mini-dining ug living area.
Gigahinan kini sa kapin P600-milyones sa Acting Mayor aron masulbad ang isyu sa pabalay sa dakbayan.
