Nagtuo si Rear Admiral Jay Tarriela, ang tigpamaba sa Philippine Coast Guard (PCG) sa West Philippine Sea, nga ang transparency campaign o kampanya sa pagkamatinuuron mao ang yawe sa pagbutyag sa mga ilegal nga kalihokan sa China sa Bajo de Masinloc.
Sumala ni Tarriela, ang lakang sa gobyerno nga ipahibalo sa publiko ang mga panghitabo hinungdanon kaayo human gikumpirma sa mga awtoridad ang presensya sa usa ka naglutaw nga istruktura sa China sa maong dapit.
Gipasabot ni Tarriela nga ang pagbutyag sa maong mga aksyon nagtumong sa pagdaot sa reputasyon sa China sa tibuok kalibutan aron mapugos kini sa paghunahuna pag-usab sa ilang mga plano.
Samtang, gisugyot ni kanhi Philippine Navy Rear Admiral Rommel Ong nga kinahanglang ipakita ug pabilinan sa Pilipinas og presensya ang maong ruta nga gigamit sa mga barkong Tsino tali sa Hainan ug Bajo de Masinloc.
Kini aron mababagan ang ilang mga suplay ug magtakda og klarong limitasyon batok sa agresyon sa China.
