MALAMPUSON ang gihimong tree planting gahapon sa dakbayan sa Sugbo.
Kini ang gibuyag ni Atty. John Jigo Dacua, ang head sa Cebu City Environment and Natural Resources Office (CCENRO).
Gikalipay niya, ingon man ni Cebu City Mayor Edgardo Labella nga daghan kaayong volunteers ang mi-apil sa tree planting activity.
Gani nagkuwang ra ang 10,000 ka mga saplings o seedlings tungod sa kadaghang nanguyog.
Ubay-ubay usab matud pa ang nanguyog nga nga gikan sa nagkalain-laing sectors ug establishments.
Sa nasayran, gisugdan kini pasado alas 8 sa buntag diin nag-una sa SRP, sunod sa Guadalupe River dayon sa Brgy. Taptap kung diin nahuman alas 10 sa buntag.
Mga ornamental ug indeginous plants ang gipangtanom sama sa fire tree, palawan cherries, kawayan, balete, tugas ug uban pa.
Sa kinatibuk-an muabot na sa 25 mil ka mga sapling ang natanom sukad niadtong buwan sa Hulyo.
Pagtataw pa ni Dacua nga, duna na usab laing schedule sa tree planting karong Oktubre 26.
Nasayran nga target sa Cebu City Government nga makatanom og 3-million ka kahoy sulod sa tulo ka tuig.
