MARLBOROUGH, Mass. (AP) —Usa ka balay sa Massachusetts ang gisulod sa wala mailhi nga tresspasser apan kahibudngan nga walay nakuha o namissing nga mga butang.
Matud sa tag-iya sa balay nga si Nate Romas nga sa dihang miabot siya sa iyang panimalay gikan sa trabaho, nabantayan niya nga dunay nakasulod nga laing tao.
Dali niya nga gisusi ang iyang mga butang ug nga gamit sa balay apan walay na missing. Apan nabantayan sa 44 anyos nga si Roman nga daw sama nga naay nausab sa iyang balay nga nahinlo kini.
Iyang katre ang giilisan matud pa og bedsheet, ang carpet gi-vacuum ug nalimpyo usab ang tiles sa CR. Gani nakita pa niya nga ang tissue giporma pa og buwak.
Gihulagway sa tag-iya sa panimalay nga usa ka talagsaon apan kuyaw kadto nga kasinatian para kaniya hinungdan nga mitawag siya og pulis.
Hinoon, sigon sa imbestigasyon ni Sgt. Daniel Campbell nga sa ilang department walay nadawat nga susamang report kalabot sa maong insidente ug wala usab silay suspect.
Sigon usab ni Roman nga posibleng nabiyaan niya ang pultahan sa likod sa balay nga abli ug nagduda kini nga dunay misulod nga housekeeping service apan sayop nga balay ang nasudlan.
