MINGLANILLA CITY-Nalangkat sa Tribu Ward III ang grand champion sa onse ka mga contingents nga nisalmot sa Sinulog sa Minglanilla.
Gawas nga grand winner, hakot award usab kini nga naka kakuha og minor awards diin ilang nakuha ang Best in Costume, Best in Streetdancing, Best in Choreography ug Festival Queen 2024.
Second placer ang Pundok Puntodhanon sa Barangay Calajoan ug nasungkit sa Hugpong Mananayaw sa San Roque sa Barangay Tulay ang third place.
Tanang contingents nipakita sa ilang kahanas sa sayaw ug ang ilang pagka artistic pinaagi sa ilahang mga costumes ug props.
Samtang, ang tinuig nga pagsaulog sa Sinulog sa Minglanilla, usa ka agi pasalamat sa mga Minglanillahanon alang sa Señor Sto. Niño, ug nakab-ot sa Lumad Tungkupanon ang best in musicality.
Ang gikatakdang fluvial procession sa Munisipyo sa Minglanilla, Cebu, karong Enero 28, 2024, gideklarar nga kanselado tungod sa gale warning nga giluwatan sa PAG-ASA.
Hinuon, ang prosesyon sa imahen ni Señor Sto. Niño, uban sa 11 ka contingents sa Sinulog sa Minglanilla street dancing, gikan sa Tungkop Chapel hangtod sa Immaculate Heart of Mary Church.
