Gipahibalo ni President-elect Donald Trump nga hatagan niya og 90 ka adlaw nga extension ang TikTok gikan sa pagdili niini, nga nagsugod gahapon Enero 19, 2025, usa ka adlaw sa dili pa ang ika-47 nga inagurasyon ni Trump isip presidente ning adlawa.
Matud ni Trump nga angayan ang extension ug lagmit maghimo siya og usa ka pormal nga pahibalo sa higayon nga manumpa na kini sa katungdanan.
Gisubli usab niini nga ang samang pamahayag kay iyang gipasiugda ang iyang desisyon kalabot sa isyu.
Nunot kini sa desisyon sa Korte Suprema sa Estados Unidos nga nagdili sa TikTok gawas lang kung gibaligya sa parent company sa China nga ByteDance ang plataporma sa wala pa ang gikatakda nga petsa sa pagdili sa Enero 19.
Apan ang ByteDance nagdumili sa pagbaligya sa plataporma.
Agi’g tubag, gipasidan-an sa TikTok nga mahimo’g mangitngit o dili magamit alang sa bisan kinsa sa Amerika kung ang administrasyong Biden dili magpasalig sa mga service provider nga dili kini ipatuman ang pagdili sa paggamit niini alang sa mga Amerikano.
Ang tigpamaba sa White House nga si Karine Jean-Pierre nagtawag sa pasidaan sa TikTok nga usa ka “stunt” ug giingon nga ang pagpatuman sa balaod karon responsibilidad sa umaabot nga administrasyon ni Trump.
Gihisgutan usab niya nga ang administrasyon ni Biden tin-aw nga nakigsulti sa ilang posisyon ug ang bisan unsang mga kabalaka kinahanglan sulbaron sa bag-ong administrasyon.
