Giakusahan ni U.S. President Donald Trump ang Iran sa usa ka hingpit nga paglapas o “total violation” sa ceasefire human kini giingong nagpabuto sa mga barko sa Strait of Hormuz.
Nagpasidaan usab si Trump nga ang Estados Unidos mahimong moguba sa mga tulay ug mga planta sa kuryente sa Iran kung dili niini dawaton ang kasabutan nga gisuportahan sa America.
Sa usa ka pahayag, si Trump miingon nga ang ilang tanyag patas kaayo ug makatarunganon, apan kung mobalibad ang Iran, ang US andam nga i-target ang hinungdanon nga imprastraktura niini.
Bisan pa sa temporaryo nga pag-abli sa Strait of Hormuz sa miaging semana, ang pagpadala sa lana nagpabilin nga apektado.
Aduna usab usa ka insidente diin duha ka barko ang gipabuthan samtang nagkaduol sila sa lugar.
Taliwala niini, ang mga representante sa US gikatakda nga mobiyahe ngadto sa Pakistan alang sa bag-ong mga panagsultihanay sa kalinaw.
