Gipahibalo ni US President Donald Trump ang mga plano sa pagtukod og mga ‘biggest battleships’ sa Navy nga ginganlan sunod kaniya ubos sa plano nga “Golden Fleet”.
Gihimo sa Presidente sa US ang pahibalo sa iyang pinuy-anan sa Mar-a-Lago residence sa estado sa Florida.
Sumala ni Trump, ang bag-ong mga barkong Trump-class mao ang pinakadako nga mga barkong panggubat sa kasaysayan sa Amerika ug ang pinakadako nga mga barkong panggubat nga natukod sukad sa kasaysayan sa kalibutan.
Miingon siya nga ang konstruksyon gilauman nga magsugod sa dili madugay sa Trump Class USS Defiant ships, nga adunay mga bug-at nga armas sama sa mga nuclear-armed cruise missile, nga mas paspas ug 100 ka pilo nga mas kusgan.
Miingon siya nga ang konstruksyon magsugod sa una sa duha ka bag-ong mga barkong panggubat ug sa katapusan plano nga dugangan kini hangtod sa 25.
Sumala sa Presidente sa US, ang mga barkong panggubat mahimong operahan sulod sa duha ug tunga ka tuig.
Ang plano kabahin sa usa ka mas lapad nga lakang sa US Navy aron mapalapdan pa ang mga barkong may man ug unman, lakip ang dagkong mga barkong panggubat nga armado og mga missile ug gagmay nga mga barko.
