Nakabuhi og mapintas nga mga pulong si US President Donald Trump sa Israel tungod sa iyang nakita nga mga paglapas sa iyang gideklarar nga ceasefire.
Matud niini nga sa dihang gihimo nila ang kasabutan, mipalupad ug naghulog hinuon ang Israel og mga bomba.
Dugang pa niini nga adunay silay duha ka mga nasud nga dugay na nga nakig-away ug wala sila masayod kung unsa ang ilang gibuhat.
Ingon man nga gipaambit usab si Trump nga ang duha ka nasud kay parehong nakalapas, apan wala mas naglabaw gayud ang iyang nabati nga wala nalipay sa gihimo sa Israel.
Sa pikas bahin, gitawagan ni Iran’s President Masoud Pezeshkian si Qatar’s Emir Sheikh Tamim bin Hamad Al Thani, usa ka adlaw human sa pag-atake sa base militar sa US sa Islamic Revolutionary Guard Corps.
Diin gisubli ni Tamim ang lig-ong pagkondenar sa pag-atake, nga giisip nga usa ka dayag nga paglapas sa soberanya ug kahanginan, ingon man sa internasyonal nga balaod ug sa United Nations Charter.
Ingon man nga giawhag ni Tamim ang Iran nga mobalik sa ‘negotiating table’ sa paningkamot nga mabuntog kini nga krisis ug mapreserbar ang seguridad sa rehiyon ug ang kaluwasan sa mga tawo niini.
Hinuon, nagpahayag usab og pagmahay ang Presidente sa Iran ug gihimug-atan nga dili ang mga tawo sa Qatar ang ilang target.
