Mopagawas og duha ka Executive Orders si US President Donald Trump alang sa iyang programa sa pagwagtang sa diversity, equity, and inclusion (DEI), partikular na sa mga military base sa US.
Diin ang usa ka EO kay magdili sa mga transgender sa pagserbisyo sa U.S. militar ug gitinguha usab ni Trump nga tangtangon ang kanhing direktiba ni kanhi presidente Joe Biden sa 2021 nga nagtugot sa mga transgender nga magserbisyo sa militar.
Samtang ang bag-ong EO kay maghatag og mas estrikto nga mga lagda bahin sa paggamit sa mga pronoun ug gender identity, ug hingpit nga magdili sa mga transgender nga magserbisyo sa militar.
Matud sa White House nga kini usa lamang ka bahin sa usa ka mas lapad nga away batok sa gitawag ni Trump nga “gender insanity.”
Dugang pa, nagplano usab si Trump nga ibalik ang mga miyembro sa militar nga gipalagpot tungod sa giingon nga pagdumili sa mando sa bakuna sa COVID-19, ug hatagan niya sila og back pay ug ibalik ang ilang mga ranggo.
Mapasigarbuhon nga gipahibalo sa White House nga kini nga mando usa ka pagbag-o sa palisiya sa militar aron unahon ang pag-hire nga nakabase sa merito ug pagwagtang sa mga akomodasyon alang sa mga wala makaabot sa pisikal nga mga kinahanglanon sa serbisyo.
Matod niya nga hatagan usab niini og prayoridad ang mga grupo sama sa mga minor, kababayen-an, ug mga baldado sa pagkuha og trabaho.
