Mihatag sa iyang pagtimbaya si US President Donald Trump kang Cardinal Robert Prevost human mapili isip bag-ong Santo Papa.
Pinaagi sa iyang social media post miingon kini nga usa ka dungog nga makaamgo kini nga ang napilian nga Santo Papa kay mao ang unang American Pope.
Gani, naghinam-hinam na kini nga makita personal si Pope Leo XIV ug alang kaniya kay ikonsiderar niya kini nga usa ka makahuluganon higayon.
Mibubo usab ang mga pagtimbaya gikan sa tibuok kalibutan diin lakip na niini ang Pilipinas diin pinaagi sa pagpatingog sa mga kampana duyog sa malipayong selebrasyon sa pagbuga og puti nga aso gikan sa chimney sa Sistine Chapel sa Vatican ug gisundan sa pag-anunsyo sa pangalan sa bag-ong Papa.
Samtang, nakabisita usab sa Sugbo ang bag-ong Santo Papa sa Augustinian Community of Santo Niño de Cebu Parish sa Barangay Mohon, Talisay City, Cebu atol sa ika-19 nga anibersaryo sa ilang canonical foundation.
Diin kaniadtong panahona, isip Prior General sa Order of Saint Augustine kay gibendisyonan niya ang prayle niadtong 2004, usa ka timaan sa iyang dugay na nga koneksyon sa Augustinian nga misyon sa Pilipinas.
