Molingkod sa usa ka victim interview ang kanhi Presidente sa US ug karon nga nominado sa pagkapresidente sa Republikano nga si Donald Trump nga gipasiugda sa Federal Bureau of Investigation (FBI) kalabot sa pagsuway sa pagpatay kaniya sa rally sa kampanya sa Pennsylvania kaniadtong Hulyo 13.
Wala maghatag og petsa ang FBI kung kanus-a ipahigayon ang maong interbyu apan giingon niini nga ang standard nga interview sa biktima himuon uban ni Trump sama sa ilang gihimo sa ubang biktima sa krimen.
Sumala ni FBI special Agent Kevin Rojek nga gusto nila nga makuha ang habig sa kanhi kabahin saiyang naobserbahan sa dihang nahitabo ang pagpamusil.
Bisan pa sa nag-awas nga ebidensya, blangko gihapon ang mga imbestigador sa motibo sa namatay nga suspek nga si Thomas Matthew Crooks.
Sa laing bahin, sa bag-ong impormasyon nga gipagawas, gibutyag niini nga ang 20-anyos nga suspek nakit-an sa usa ka lokal nga Swat team kapin sa 90 minutos sa wala pa mahitabo ang pagsulay sa pagpatay, mas sayo kaysa sa naasoy nga taho.
Gidugang pa niini ang listahan sa mga kapakyasan sa seguridad sa Secret Service nga misangpot sa pagsulay sa pagpatay sa kanhi presidente sa Amerika.
Sa milabay nga adlaw, ang FBI nag-ingon nga ang mga imbestigador nagtuo nga ang mga Crooks hingpit nga nagplano sa krimen sa wala pa ang Hulyo 13 rally ug naghimo sa mahinungdanon nga mga paningkamot sa pagtago sa iyang mga kalihokan lakip na ang pagpalit sa 6 explosive components.
