Nag walk out si U.S. President Donald Trump sa Senado human giakusahan si US Senate Minority Leader Chuck Schumer sa “political extortion” ug nag-ingon nga “GO TO HELL” sa usa ka post sa Truth Social.
Gitawag ni Trump nga “egregious and unprecedented” ang mga gipangayo ni Schumer, nga giingong nanawagan alang sa pagpagawas sa mga pondo sa gobyerno ug mga garantiya batok sa dugang nga pagputol sa mga federal funds.
Diin nag-aghat kini nga makab-ot ang kasabutan, lakip ang pag-aprubar sa mga nominasyon ni Trump, sama sa 60 ka mga gitudlo nga adunay bipartisan support.
Naglakip usab ang kasabutan sa mga gipangayo gikan sa mga Demokratiko, sama sa pag-alsa sa mga freeze sa National Institutes of Health (NIH) ug foreign aid funding.
Apan gisalikway kini ni Trump, ug giakusahan si Schumer nga nangayo og kapin sa usa ka bilyong dolyar baylo sa gamay nga nominasyon.
Ingon man nga gitawag niya kini nga “pangilkil sa politika,” nga makauulaw sa iyang partido, ang mga Republikano, kung dawaton niya ang nominasyon.
Samtang, sa usa ka press conference, gisaway ni Schumer si Trump tungod sa iyang dali nga pagsurender sa kasabutan, ug ang magbabalaod nangutana kung kini ba ang “Art of the Deal”?
Pagkahuman sa insidente, ang Senado nagboto sa pito ka mga nominasyon sa wala pa ang pag-undang alang sa recess, ug gi-postpone ang nahabilin nga mga nominasyon hangtod sa Septyembre, 2025.
