Naglatid si US President Donald Trump og duha ka posibleng kapilian aron taposon na ang panagbangi tali sa Estados Unidos ug Iran—ang paglunsad og bag-ong pag-atake o ang pagkab-ot og kasabotan pinaagi sa negosasyon.
Matod ni Trump, posible nga maglunsad pag-usab ang Estados Unidos og pag-atake batok sa Iran kon dili makab-ot ang usa ka kasabotan tali sa duha ka habig.
Wala hinuon siya maghatag og espesipikong petsa alang sa posibleng bag-ong pag-atake.
Dugang pa sa presidente sa US, ang pagkab-ot og kasabotan uban sa Iran maoy usa sa mga paagi aron hingpit nang matapos ang panagbangi.
Apan, nagpabiling dili klaro kon andam ba ang Iran nga mosulod sa maong kasabotan.
hinumdoman nga bag-o lang naghisgot si Trump nga ang kusog nga pag-atake nga ilang gihimo kaniadto batok sa Iran mahimong sublion.
