Gipirmahan ni US President Donald Trump ang mga executive order nga gitumong sa pagpausbaw sa coal mining sa nasud aron matubag ang nagkataas nga panginahanglan sa kuryente tungod sa artificial intelligence technology.
Diin ang mga lakang magtangtang sa mga regulasyon sa coal extraction ug masuspinde ang plano nga pagsira sa daghang coal-fired power plants.
Matod ni Trump, supakon sa iyang administrasyon ang bisan unsang mga regulasyon nga nagbutang sa peligro sa industriya sa coal.
Pasalig niini nga makagarantiya siya nga adunay lig-on nga negosyo sa umaabot nga mga katuigan.
Gitataw usab niya nga ang nasud makabenepisyo gikan sa pagkuha sa mga bililhon nga mineral ug mga talagsaon nga yuta sa proseso sa pagmina sa coal.
Bisan pa, gisaway sa mga grupo sa kalikopan ang lakang, gitan-aw isip usa ka paagi aron suportahan ang mga nagdonar sa fossil fuel pinaagi sa pagpadako sa coal, diin kasagaran nag-gikan ang polusyon sa enerhiya.
Basi sa nasudnong datos, ang produksyon sa coal sa US mius-os pag-ayo sa milabayng 15 ka tuig, ug sa 2023, makaamot kini ug kapin sa 16% sa kinatibuk-ang produksiyon sa kuryente, samtang ang renewable energy niini molapas sa 21%.
