Trump, nimando nga ibutang ang watawat sa half-staff sa US agi’g pagtahod sa Santo Papa

Nimando si US President Donald Trump na ibutang ang watawat sa half-staff isip pagtahod sa mitaliwan na nga si Pope Francis.

Sumala sa White House, epektibo kini sa tanan nga mga pampublikong building ug lugar ingon man sa mga poste sa militar ug mga istasyon sa dagat.

Apil usab ang tanang mga naval vessels sa Federal Government sa Distrito sa Columbia sa tibuok Estados Unidos ug mga teritoryo.

Kini matapos lamang sa adlaw sa lubong sa 88 anyos nga Santo Papa.

Kahinumduman nga ning Lunes mao ang adlaw nga gipahibalo sa Vatican ang pagtaliwan sa Santo Papa human sa kapin sa usa ka buwan nga anaa sa tambalanan tungod sa iyang sakit nga double pneumonia.