Gikonsiderar ni US President Donald Trump ang pagpahamtang og 10% nga taripa sa mga imported nga produkto gikan sa China sugod sa buwan sa Pebrero.
Gidepensahan ni Trump ang maong lakang pinaagi sa pag-akusar sa China nga giingong nagpadala og fentanyl, usa ka opioid nga nagpasamot sa global crisis sa ilegal nga drogas ngadto sa Estados Unidos, pinaagi sa Mexico ug Canada.
Gisundan kini sa hulga ni Trump nga ipahamtang ang 25% nga buhis sa pag-import sa Mexico ug Canada, nga giakusahan nga gitugotan ang mga dili dokumentado nga migrante ug drogas nga makasulod sa Amerika.
Kahinumdoman nga usa sa mga nag-unang saad ni Trump sa iyang kampanya mao ang pagpalapad sa mga taripa nga matod niya makatabang sa ekonomiya sa US.
Bisan pa, sumala sa mga analista, mahimo’g mosangput kini sa mas taas nga presyo sa mga baligya alang sa mga Amerikano ug kasakit sa mga kompanya nga naapektuhan sa pagbalos sa langyaw sa administrasyon.
