CEBU – Nabalik na ang sinemana nga Tugbong Tabo sa Plaza Sugbo sa dakbayan sa Sugbo human sa duha ka tuig nga paghunong tungod sa pandemya.
Ang Tugbong Tabo usa ka senemanang merkado sa mga mag-uuma nga direktang gikan ug gibaligya sa mga mag-uuma sa 28 ka mga farming barangay sa dakbayan.
Gibutyag ni Engineer Joey Baclayon, hepe sa City Agriculture Office,nga nabalik na sa pagpaninda sa Tabo ang mga mag-uuma sukad nga gipaubos ang siyudad sa Alert Level 1.
Ipahigayon ang Tugbong Tabo sa Plaza Sugbo matag Huwebes ug Biyernes, nga maghatag ug kahigayonan sa mga mag-uuma nga makapahimulos sa pre-weekend nga pagdagsa sa mga tawo sa Basilica Minore del Sto. Niño.
Hatagan og higayon ang mga mag-uuma, nga sakop sa Tugbong Tabo Vendors Association, nga magpulipuli sa pagbaligya matag semana.
Gihimo ang maong programa aron mahatagan og kahigayonan ang mga mag-uuma nga makabaligya sa ilang kaugalingong mga baligya nga dili moagi sa mga middleman sa Carbon Market o ubang mga merkado.
Ilaha ra ang ganansya ug mahimo nilang ibaligya ang ilang mga produkto sa mas barato pa sa presyo sa Carbon
