Tulo ka bata, usa ka hamtong patay sa pagpamusil sa elementary school sa Oregon

Patay ang upat ka tawo, lakip ang tulo ka bata ug usa ka hamtong, human sa pagpamusil sulod sa Silver Rail Elementary School sa Bend,Oregon.

Tungod sa maong insidente, gisirhan sa mga awtoridad ang eskwelahan samtang gipahigayon ang imbestigasyon.

Pag-abot sa mga pulis sa lugar, nakit-an nilang patay na ang giingong suspek.

Matod ni Sheila Miller, tigpamaba sa Bend Police Department, wala pa matino kung kinsa ang nakapatay sa suspek.

Duha pa ka tawo ang gidala sa ospital human nakaangkon og mga samad atol sa pagpamusil.

Nagpadayon ang imbestigasyon sa mga awtoridad aron matino ang mga sirkumstansiya ug ang hinungdan sa maong insidente.