CEBU – Usa ka oras sa dili pa ang alas 6 sa buntag nga mismong pagsugod sa pagbotar , tulo pa ang natalang sa nadakpan.
Tulo ka indibidwal gikan sa nagkadaiyang dapit sa isla sa Sugbo ang nadakpan tungod sa Violation of Presidential Decree 247.
Sa Barangay Sawang Calero, Cebu City, duha ka indibidwal ang nadakpan diin giila kini nga sila si Levy Mae Arquillano ug Romulo Leviste Sartagoda tungod pagpang-apod apo sa mga sample ballots nga adunay naka-stapler nga kwarta.
Samtang usa ka 25-anyos nga lalaki nga si Jerwin Laguna, taga lungsod sa Balamban ang nasikop sa kapulisan diin nakuhaan kini duha ka armas ug 11 ka sample ballots nga adunay usay nakastapler nga P100 sa usa ka local political party sa dakbayan sa Sugbo.
Nasikop ang suspetsado atol sa Comelec checkpoint nga gipahigayon sa CMFC sa Barangay Lusaran, Cebu City Sabad sa gabie.
Sa dakbayan sa Mandaue, dungan sa kapistahan sa ilahang patron nga si Señor San Jose , gisugat usab ang mga residente og mga kagingking pa nga tagP100 nga gipapilit sa usa ka blue card sa partylist nga nagpapili karong eleksyon.
