CEBU CITY — Mi-apelar mga dakbayan sa Cebu, Mandaue, ug Lapu-Lapu sa Inter-Agency Task Force on Emerging Infectious Diseases (IATF-EID) nga imentenar ang lugar sa enhanced community quarantine.
Sa joint statement, nagkanayon ang tulo ka mga lider nga lauman ang posibleng pagsaka sa mga kaso sa COVID-19 tungod sa nagpadayong strategic rapid testing ubos sa “Project Balik Buhay.”
Nasayran nga 90 porsyento sa mga natakdan sa coronavirus kay pulos mga asymptomatic maong nabalaka ang mga lider sa posibleng pagkatap niini.
Ipaubos sa modified enhanced community quarantine ang dakbayan sa Sugbo samtang i-downgrade ngadto sa general community quarantine ang Mandaue ug Lapu-Lapu, base sa rekomendasyon sa IAFT.
Gipaabot nilang Cebu City Mayor Edgardo Labela, Mandaue City Mayor Jonas Cortes, ug Lapu-Lapu City Mayor Junard “Ahong” Chan ang tubag gikan sa IATF human nagpadala sa ilang appeal kagabii.
Gibarugan gayud sa tulo ka mga mayor nga ang labing epektibong pamaagi alang sa pag-flatten sa curve mao ang “test, trace, ug treat” sa mga pasyente.
Nihangyo karon ang mga mayor gikan sa urbanized cities sa mga residente nga mosalmot sa strategic testing aron makahimo sila og syentipikong desisyon.
