CEBU CITY-“Disiplina kaysa tuotuo” mao kini ang gipamahayag sa tulo ka board topnotchers sa nahitabong August 2024 Electrical Engineering Licensure Examination atol sa nahitabong university press conference niini niadtong Sabado, Agosto 31, 2024 sa Cebu Institute of Technology – University (CIT-U) Main Library.
Giila ang mga Sugbuanong Board Topnotchers nga sila Top 5 John Dale Medallo Quiñones, Top 4 nga si Jane Edje Aquino Sayago, ug ni Top 1 Christopher Regino Brodith Maranga nga mga gradwar gikan sa CIT-U.
Giila ang maong unibersidad isip usa ka tanyag sa makapatungha og mga kilas nga mga estudyante hilabi na sa natad sa kursong Engineering.
Nga matod pa sa tulo nga adunay mga pipila ka mga tinuhoan silang gisunod ilabi na sa panahon sa eksaminasyon apan wala nila gipatuyok ilang atensyon sa maong butang aron magpabiling focus sa mga pangutana ug tubag nga ilagda.
Tambag pa nila Quiñones, Sayago, ug Maranga nga ipatigbabaw ang disiplina sa kaugalingon aron mas makagahin og oras ug atensyon sa pagtuon nga usa sa mga rason sa kalampusang adunay dakong pasidungog.
Subay pa sa kasaysayan sa maong unibersidad nga kini ang unang higayong nga sulod sa usa ka tuig nalangkat niini ang top 1 sa nahisgotang eksaminasyon, una niadtong buwan sa Abril ug karong buwan sa Agosto.
Matud pa ni Atty. Corazon Evangelista Valencia, ang VP for Academic Affairs sa maong unibersidad nga dili lamang tanyag ang ilang tunghaan sa mga board topnotchers apan apil napud niini ang overall passers nga labaw sa sumbanan sa national percentage nga nagpamatuod sa giyang natudlo nila sa ilang mga tumutungha.
Ingon man nga mapasalamaton ang tulo dili lamang sa ilang pamilya ug sa labaw nga anaa sa taas apan apil na ilang mga coaches ug mga higala nga miagak nila maong kalampusan.
