CEBU CITY-Niresponde ang kabomberohan sa Sugbo ug kinatibuk-ang walo ka sunog diin tulo ka mga tawo ang naangol, kagahapong adlawa Domingo, Enero 28.
Sa walo ka sunog nga nahitabo tulo niini ang naglambigit sa mga residential areas ang nahabilin kay basura o grass fires.
Matod sa ni SFO2 Wendell Villanueva ang tigpamaba sa Cebu City Fire Office, nga ang unang sunog nahitabo alas 6 sa buntag, sa may dalan Cabajar sa Brgy. Guadalupe, kung diin pito ka mga istruktura ang naugdaw.
Labing menos 40 ka mga tawo ang naapektuhan, ug ang danyos gibanabana nga P854,000.
Mga tulo ka oras ang milabay, ang mga bombero nagdali sa Lower Torre sa Brgy. Inayawan sa pagtubag sa laing alarma sa sunog, lakip usab ang mga residential building.
Didto, naugdaw ang kinatibuk-ang tulo ka mga estraktura, diin ang mga kabtangang danyos anaa sa og P500,000.
Apan usa lang ka oras human sa sunog sa Brgy. Inayawan nahitabo, ang mga bombero miadto sa Brgy. Bacayan diin miulbo ang laing sunog diin naugdaw ang unom ka balay ug unom pa ang naguba.
Tulo ka mga tawo, lakip ang usa ka opisyal sa bombero, ang nasamdan usab sa sunog.
Nagpadayon ang imbestigasyon sa tulo ka sunog hangtod ning pagsulat.
