CEBU CITY- Patay ang duha ka mga drayber human ang ilang gimaneho nga mga motorsiklo nagbangga sa Sergio Osmeña North Reclamation Area, Cebu City karung adlawa June 6, 2025.
Basi sa CCTV footage, kusog kaayo ang dagan sa drayber nga nagmaneho sa Kawasaki samtang nag-agi sa North Reclamation Area.
Hinungdan nga wala niini makita ang padulong motabuk nga Drayber nga nagmaneho og Fury nga motor.
Gumikan sa kakusog sa impact nabungkag ang usa ka Fury nga motor, samtang ang bigbike nagbarug na ug nasangit sa poste daplin sa karsada.
Ang mga drayber nangalabay gikan sa ilang mga motor ug gidala sa tambalanan, apan nakabsan sa kinabuhi.
Giila ang mga biktima nga sila si Bugsy Nadal Quilestino,18-anyos ang drayber sa Kawasaki big bike, samtang si Alvin Gargar Dilao,35-anyos ang drayber sa Fury nga motorsiklo.
Ang duha ka mga lalaki dali nga gidala sa managlahing mga ospital, kung diin si Dilao gidala sa Cebu Doctors Hospital, diin gideklarar nga patay na.
Samtang si Quilestino gidala sa CCMC, diin siya gideklarar nga dead on arrival.
Sa pikas bahin, patay usab ang usa ka babaye dihang ang iyahang gisakyan nga motor na-aksidente sa kadalanan sa Trans central Highway habig sa Brgy. Cansomoroy, Lungsod sa Balamban.
Sa pakighinabi sa Bombo Newsteam kang Police Lt.Col. Pedy Noval, ang Hepe sa Balamban Police Station, nga namatay ang babayeng back ride nga sakay samtang anaa pa sa ospital ang lalaki nga driver niini.
