Cebu City– Gikumpirmar sa usa ka OFW nga mas bugnaw nga temperatura ang nasinati sa katawhan sa Singapore.// Kung diin miabot na sa 21 degree celsius na ang temperatura sa moang dapit.
Matud ni Gab Tirz, kinsa 7 na katuig nga nanginabuhi sa nahisgutang dapit, nga “first time” nila nga nasinati ang maong temperatura karon sa maong nasud. Matud pa niini nga sa unang bulan ug kina-uwahian nga bulan sa tuig gayud mag-ulan sa Singapore apan dili ingun susama kabugnaw karong tuiga.
Dugang ni Tirz nga wala pa man hinuon warning nga gipagawas ang gobyerno kung kini ba delikado sa panglawas sa katawhan. Gumikan nga padayun paman nga gimonitor ang maong temperatura hangtod sa adlawng Huwebes apan gilauman nga mubalik kini sa normal nga temperatura. Wala usab kini nagmugna ug kabalaka sa pipila ka indibidwal gani nalipay pa kini gumikan nga kainit man ang permi nila nga maandan sa nasud nga Singapore.
Bisan paman niini, nag-maampingun gihapon ang katawhan ilabi na ang mga bata para na usab malikayan ang epekto nga dala sa kalit nga pagbugnaw sa palibot. Gi-awhag na lang ni Tirz ang isig ka Pinoy nga anaa sa Pilipinas, kinsa adunay mahal sa kinabuhi nga anaa sa Singapore nga dili mabalaka gumikan nga gimonitor man sa gobyerno ang sitwasyon sa temperatura sa maong nasud.
