Gisuspenso sa gobyerno sa Turkey ang tanan nga patigayon niini sa Israel kalabot sa opensiba niini sa Gaza nga miresulta sa nagkagrabeng humanitarian nga trahedya sa teritoryo sa Palestin.
Sumala sa Turkish Trade Ministry, ang mao nga lakang ipatuman hangtod nga gitugotan sa Israel ang walay hunong ug igong tabang alang sa mga tawo nga natanggong sa gubat sa Gaza.
Ang patigayon tali sa Turkey ug Israel miigo sa hapit $7 bilyon sa miaging tuig.
Sa pikas bahin, gitawag sa foreign minister sa Israel nga si Israel Katz ang Presidente sa Turkey nga si Recep Tayyip Erdogan nga usa ka diktador alang sa iyang desisyon.
Matod niya, ang Presidente sa Turkey wala magtagad sa interes sa iyang mga tawo ug mga negosyante ug wala magtagad sa mga kasabutan sa international trade.
Niining bahina, gimandoan ni Katz ang foreign minister nga mangita mga alternatibo sa patigayon niini sa Turkey nga nagpunting sa lokal nga produksiyon ug pag-import sa mga produkto gikan sa ubang mga nasud.
