Mag-deploy si U.S President Donald Trump og 800 ka mga National Guard troops sa National Guard sa Washington, nga temporaryong nagkuha sa city’s police department.
Sa maong pamalakad ni Trump, gihatagan niini ang mga aksyon nga gikinahanglan aron luwason ang Washington gikan sa usa ka giingon nga nagtipun-og nga kalapasan sa balaoad, kay sa gipakita nga statistics, sa tuig 2023 ni-usbaw ang bayolenting krimen.
“Our capital city has been overtaken by violent gangs and bloodthirsty criminals,” ingun ni Trump atol sa news conference sa White House.
Subay niini, mao kini ang ika-duha nga higayon nga ang Republican President nagpahamtang og troop sa usa ka Democratic governed city. Diin gahapong adlawa, Lunes, nasugdan ang usa ka federal trial sa San Francisco nga kung si Trump nakalapas ba sa balaod sa US sa pag-deploy niini sa mga troops sa National Guard sa Los Angeles kaniadtong Hunyo nga wala’y pagtugot sa Gobernador sa California nga si Gavin Newsom.
Apan si Trump, nagsenyas sa ubang major cities sa U.S nga ubos sa Democratic Leadership nga mamahimong mao ang mosunod sa lagdang nabuhat niini, diin lakip niini ang Chicago nga usa sa mga syudad nga gipuy-an na sa mga bayolenting krimen, bisan paman nga nilurang na kini sa unang katunga sa tuig.
“If we need to, we’re going to do the same thing in Chicago, which is a disaster,” matod Trump, ug dugang pa, “Hopefully L.A. is watching.”
Kahinomdoman sa panahon sa kampanya ni Trump sa elksyon, ang iyang plataporma ug balaodnon, gipili niya ang kadaghanan sa mga Demokratikong lungsod nga gikonsiderang black population sama sa Baltimore, Chicago ug Washington, kabahin sa hisgutanan sa pagkaylap sa krimen sa mga urban areas.
