Gibasura sa Senado sa Estados Unidos ang War Powers Resolution nga unta makalimit sa awtoridad ni Presidente Donald Trump sa paghimo og dugang aksyong militar batok sa Iran.
Ang lakang, nga gipaila sa mga Democrat ug pipila ka mga independente, napakyas sa boto nga 47–53.
Sa boto, si Sen. John Fetterman mao lamang ang Democrat nga mibotar batok sa resolusyon, samtang si Sen. Rand Paul mao lamang ang Republican nga misuporta niini.
Sumala sa mga nagpasiugda sa balaodnon, kini nagtumong sa pagpugong sa White House sa paghimo og military strikes nga walay pagtugot sa Kongreso.
Kini ang ikaduhang higayon sa usa ka tuig nga gipaila pag-usab ni Sen. Tim Kaine ang War Powers Resolution bahin sa Iran, taliwala sa nagpadayon nga tensyon ug kahadlok sa posible nga pagtaas sa mga kaswalti sa Amerika.
Bisan pa sa kapildihan, giinsistir sa mga Democratic nga importante ang pagpakita sa checks and balances sa gahum sa presidente.
Bisan sa wala pa ang lakang sa Senado sa Estados Unidos, ang panagbangi tali sa Estados Unidos ug Iran misamot sukad sa katapusan sa semana, sa dihang human sa pag-atake sa Estados Unidos, ang Tehran mibalos batok sa mga kaalyado sa Kasadpan, lakip ang Qatar, UAE, Saudi Arabia ug uban pang mga nasud sa Middle East.
