CEBU – Gi-imbestigaran sa mga health officials sa Untied States ug Canada ang mga kaso sa hepatitis A nga posibleng nalambigit sa fresh organic strawberries.
Sa usa ka pamahayag, gipahibaw sa federal agency nga under investigation ang mga strawberry ubos sa mga brand nga FreshKampo ug HEB tali sa Marso 5 ug Abril 25.
Bisan kung ang mga strawberry nga gikuwestiyon lapas na sa ilang shelf life, gi-awhag sa FDA ang publiko na dili kan-on ang mga frozen nga berries.
Kini human nisangpot sa labing menos 17 nga mga kaso sa hepatitis A sa Estados Unidos, lakip ang 12 nga mga pagpaospital ingon man, nga adunay 15 sa mga kaso nga gitaho sa California ug usa sa matag estado sa Minnesota ug North Dakota tungod sa strawberry.
Samtang, gikompirmar sa Public Health Agency Canada nga kaniadtong Biyernes adunay 10 ka laboratory-confirmed cases sa hepatitis A nga giimbestigaran sa Great White North, nga adunay unom ka mga kaso sa Saskatchewan ug upat sa Alberta.
