CEBU CITY – Ipatuman na sa Cebu City government ang soft copy nga quarantine pass ning nagpadayon nga Enhanced Community Quarantine (ECQ) gumikan sa hulga sa coronavirus disease 2019.
Matod ni Cebu City Mayor Edgardo Labella nga dili na pina-agi sa papel ang pagpagawas sa quarantine pass gumikan kay pwede na kini nga ma-download sa website nga www.passapp.ph diin kini magsilbing passes nga ipakita sa usa ka indibidwal ngadto sa mga otoridad atol kung mogawas sa balay.
Gibutyag usab sa Mayor nga kinahanglang mamahimong “considerate” ang mga pulis sa senior citizens nga walay masugo aron mopalit sa ilang mga pangina-hanglanon.
Hinu-on padayon usab ang pag-awhag ni Labella sa publiko nga likayan nga mogawas sa balay kung walay importanteng tuyo sa gawas.
Samtang aduna na usa’y agreement ang dakbayan sa Mandaue ogTalisay nga ipakita na lang sa mga indibidwal ang ilang certificate of employment og ID alang sa mga exempted sa ECQ.
Sa laing bahin, plano sa pamunu-an sa city government ning syudad sa Sugbo nga i-agi na sa cash card ang financial assistance alang sa mga senior citizens sa syudad.
Matod ni Mayor Edgardo Labella nga makig-coordinate sila sa Landbank alang sa maong pama-agi diin katuyu-an niini nga dili na maglinya ang
mga senior citizen sa pagkuha sa ilang cash assistance aron malikayan nga magdikit ang matag indibidwal.
Risgo matod pa sa Mayor ang maong sitwasyon sa pagkuyanap pa sa coronavirus sanglit mawala na unya ang gipatuman nga “social distancing”. Nasayran nga anaa sa 80 mil ka mga senior citizens ang ania sa dakbayan nga gikatakdang makadawat og tag dos mil ka-pesos nga gilangkuban sa bulan sa Marso og Abril.
