CEBU CITY-Gihatagan sa University of Cebu (UC) og brand new car ug cash ang duha sa ilang graduate nga nag top 1 ug top 10 sa Civil Engineering Licensure Examination.
Pinaagi sa presidente sa UC nga si Augustus Go hingpit nga gipahalipayan niini si Ronnie Tarriga II, ang top 1st ug brand new car.
Samtang 100,000 pesos nga cheque usab ang nadawat ni Joebert Dela Cruz kinsang nag top 10th.
Nagkanayon si Tarriga nga gihalad niini ang tanan sa iyang ginikanan ug walay kabutangan ang iyang kalipay sa gihulagway niining ‘turning point’ sa iyang kinabuhi.
Mapasalamaton usab ang duha sa ilang naangkon nga kalampusan nga bisan sa ilang pag working scholar student wala kini nahimong babag sa ilang pagkab-ot sa kalampusan ingon man pagkasulod sa top spot.
Plano karon sa duha nga magtudlo.
