Gipauwanan sa Russia ang Ukraine og gatosan ka mga drone ug mga missile sa tibuok gabii ug niadtong Sabado isip bahin sa usa ka kampanya sa pagpamomba nga nakapatay sa labing menos unom ka mga tawo ug natalang 12 ang nasamdan.
Niingun usab ang Regional Gov. nga si Ruslan Zaparaniuk , adunay duha ka indibidwal ang namatay ug 26 ang nasamdan sa dihang giatake sa mga pwersa sa Russia sa tibuok gabii ang Bukovina area sa Chernivtsi nga rehiyon sa habagatan-kasadpang Ukraine gamit ang upat ka drone ug usa ka missile, diin matod niya, namatay ang duha tungod sa pagkahulog sa mga debris sa drone.
Samtang gikabutyag usab ni Maksym Kozytskyi ang Regional Gov., nga adunay laing drone attack sa kasadpang rehiyon sa Lviv sa Ukraine ug nakasamad sa 12 ka mga indibidwal.
Dugang usab ni Mayor Ihor Terekhov, tulo ka mga indibidwal usab ang nasamdan sa Kharkiv sa amihanang-sidlakan sa Ukraine sa dihang ang siyudad naigo sa walo ka drone ug duha ka missile.
Ang air force sa Poland nag-scramble sa mga fighter jets sa mga lugar nga nag-utlanan sa Ukraine agig tubag sa mga pag-atake sa tibuok gabii, nga gipunting pag-usab ang usa ka rehiyon nga mahinungdanon nga sentro sa pagdawat sa foreign military aid.|Bombo Irene Ardiente
