CEBU – Gikalipay sa pipila ka mamumuo ang naaprobahang umento sa minimum nga suholan sa Central Visayas apan naguol gamay ra ug dili kini paigo.
Sa mga nangaging umento nga naaprobahan sa Kabisay-an nigawas nga mas dako na hinuon ang mnimum wage sa Western Visayas nga P450 itandi sa Central Visayas nga P435.
Atol sa eksklusibong pakighinabi sa Bombo Radyo Cebu kang Jaime Paglinawan, chairman sa Bayan- Central Visayas, nga usa ka dakong insulto ang nahimong umento sa mga mamumuo nga dugay rang nanarbaho.
Gumikan makahatag kini og kalibog kung mas barato ba ang mga palaliton sa Central Visayas kung itandi sa Western Visayas sama sa Bacolod, Ilo-ilo ug Panay.
Alang sa Bayan, usa ka dakong insulto ang gamayng umento sa mga mamumuo nga dugay rang nangandoy sa makabuhi nga sweldo.
